වෘෂභ ලග්න

 වෘෂභ ලග්නයෙන් උපන් අය අලංකාරයට, ආදරයට මුල් තැනක් දෙයි. නිතරම පිරිසිදුවටත්, ලස්සනටත් සිටීමට ඔවුහු වඩාත් රුචියක් දක්වති.

මෙම ලග්නයෙන් උපන් අයගේ මුහුණ වටකුරුය. තොල් පළල්ල. කන්දෙක තරමක් විශාලවන අතර නළල පළල බවක් පෙන්නුම් කරයි. දත් පෙනෙන සේ හං නගා සිනාසීම ඔවුන්ගේ විශේෂ ලක්ෂණයකි. අඟපසඟ මනාව ලස්සනට පිහිටා ඇත. මහත් වූ කෙල්ලකට හිමිකම් කියන පිරුණ උරහිස්තලයකින්ද යුක්තය. කම්මුල් සහ මුඛය පිරුණ බවක් පෙන්වයි.

වෘෂභ ලග්නයෙන් උපදින අය උතුම් ගතිගුණ ඇති ගුණවත් ඇත්තෝය. යුද කටයුතුවලට මෙම කෝලාහල කිරීමටද ප්‍රිය අය වේ. පරිත්‍යාගශීලී බව කැපී පෙනෙන අතර වියදම් කිරීමටද සූරයෝය. ඉක්මනට කෝපවෙති. තමාගත් දැඩි තීරණයේම එල්බගෙන සිටීම ඔවුන්ගේ විශේෂ ලක්ෂණයකි. සුළු සිද්ධියකින් පවා ඔවුහු මහත් කැලඹීමකට හා බියට පත්වෙති. සුළු සිද්ධියක් විශාල සිද්ධියක් ලෙස සිතීමට ඔවුහු පුරුදුවී සිටිති. උසස් ඉගෙනීමක් ලබා උසස් තත්වයකට පැමිණීමට වාසනාව ඇත. මොවුන් ඉතා ඥානවන්ත බැවින් ඕනෑම ගැටළුවකට පිළිතුරු දීමට සමත් ය. හොඳ ඉගෙනීමක් ඇතිනමුත් උඩඟ= ගතියක්ද පෙන්නුම් කරති. අන් අයට සංග්‍රහ කිරීමට වඩා කැමැති වේ. තම බිරිඳට හෝ සැමියාට ඉතාමත් ආදරය කරයි. වස්තුව රැස් කිරීමටද වඩා උනන්දු වෙති. දක්ෂ කථිකයන්, පණ්ඩිතයන්ව පොත් කතුවරුන්, ශිල්ප ශාලා හා මුද්‍රණශාලා හිමිකරුවන්, ආචාර්ය පදවි ලැබූවන් බොහෝවිට මෙම ලග්නයෙන් උපත ලැබූ අය වෙති. තමන්ගේ අදහස අනුව කටයුතු කරනවා හැරෙන්නට අන් අයගේ අදහස් අනුව කටයුතු කිරීමට වෘෂභ ලග්න හිමියන් අකැමැතිය. තමා දන්නා කෙනෙකු සේ හැමවිටම සිතයි. සිතිවිලි ලෞකික පැත්තටම බර වේ. අනුන්ගේ මතයට ගරු නොකිරීම දුර්වලකමකි. කෘෂිකර්මය, ඉංජිනේරු ශිල්පය, හෝටල්පරිපාලනය, නීතිය, සත්ත්ව විද්‍යාව, රසායන විද්‍යාව, ගණිතය, ගෘහ නිර්මාණ ශිල්පය ආදියට වෘෂභ ලග්න හිමියෝ විශේෂ කුසලතා දක්වති.